Avtomobilin mühərriki — onun əsas komponenti və ürəyidir. Bu “ürəyin” sağlam qalması üçün mühərrik yağı həyati əhəmiyyət daşıyır. Düzgün yağ seçimi mühərrikin uzunömürlülüyünü artırır, yanacaq sərfiyyatını azaldır və sürüş keyfiyyətini yüksəldir. Amma bəzən səhv seçimlər bizə baha başa gələ bilər. Yanlış yağ istifadəsi zamanı maşının mühərrikinin həddindən artıq isinməsi, hissələrin yeyilməsi və hətta ciddi zədələnmələrlə nəticələnə bilər.
2025-ci ildə avtomobillər daha güclü, lakin daha həssas mühərrik texnologiyalarına sahibdir. Buna görə də, hər bir modelin özünəxas yağ tələbi var. İndi isə gəlin bu məsələni addım-addım aydınlaşdıraq.
Yağ, mühərrikin metal hissələri arasında nazik bir təbəqə yaradaraq sürtünməni azaldır. Bu, mühərrikin daha səssiz işləməsinə və aşınmanın qarşısının alınmasına kömək edir.
Mühərrik işləyərkən çox yüksək temperatur yaranır. Yağ bu istiliyi yayaraq mühərrikin həddən artıq isinməsinin qarşısını alır.
Keyfiyyətli yağ tərkibində olan əlavələr sayəsində çöküntüləri təmizləyir və metal səthlərdə paslanmanın qarşısını alır.
Təbii xammaldan hazırlanır, ucuzdur, lakin qısaömürlüdür. Əsasən köhnə mühərriklərə sahib avtomobillərdə istifadə olunur.
Mineral və sintetik yağların qarışığıdır. Əlverişli qiymət və orta səviyyədə qoruma təmin edir. Orta seqmentdə bir performans gözləyirsinizsə, bu sizin seçiminiz ola bilər
Ən yüksək keyfiyyətli və texnoloji yağ növüdür. Yeni və güclü mühərriklər üçün idealdır. Soyuq havalarda daha yaxşı performans göstərir.
Bu söz sizə qəribə gələ bilər. Gəlin bunun izahına baxaq. Viskozite — yağın “qatılığı” və ya axıcılıq qabiliyyətidir.
Məsələn, 5W-30 etiketi belə oxunur:
5W – qışda (Winter) yağın axıcılığını göstərir.
30 – isti temperaturda yağın qalınlığını bildirir.
İsti iqlimlərdə 10W-40 və ya 15W-50 kimi yağlar, soyuq iqlimlərdə isə 0W-20 və 5W-30 daha uyğundur.
Yeni mühərriklər üçün aşağı viskozitəli yağlar tövsiyə olunur (məsələn 0W-20).
Köhnə mühərriklərdə isə qalın yağlar (10W-40 və ya 15W-50) daha çox qoruma təmin edir, çünki daxili hissələrdə boşluqlar artır.
Əksər avtomobillər üçün mühərrik yağı dəyişimi hər 8,000 – 10,000 km-dən bir olaraq tövsiyyə edilir. Lakin bu bəzi məqamlarda dəyişiklik göstərə bilər. Məsələn, sintetik yağlar 12,000 km-ə qədər davam gətirə bilər. Yağ filtrini isə hər dəyişmə zamanı yeniləmək vacibdir.
Motor yağlarını haradan seçərək almaq olar?
Avtomobil brendlərinin sayı, növü çox olduğu kimi, mühərrik yağlarının da növləri və müxtəlif brendləri var. Avtomobilinizin mühərrikini hansı yağa etibar etməli olduğunuzu bir mütəxəssislə məsləhətləşdikdən sonra öyrənmək daha yaxşıdır. Amma sifariş üçün uzun-uzadı axtarış etməyə ehtiyac yoxdur. Maşın.az olaraq sizə müxtəlif mağazaları və məhsulları bir arada topladıq. İndi bu linkə keçid edərək avtomobiliniz üçün istədiyiniz motor yağlarını sifariş edə bilərsiniz.
Telefon və ya e-poçt ilə daxil olun
Davam etməklə, avtomatik qeydiyyat və ya giriş edəcəksiniz
Göndərilən təsdiq kodunu daxil edin
