Antifriz nədir?

Antifriz avtomobillərin etibarlı çalışa bilməsi üçün çox vacib komponentlərdən biridir. Bəs antifriz nədir və necə işləyir? Bu bloqda antifrizin nə olduğunu, nə üçün istifadə edildiyini və mühərrikin qorunmasında hansı rola sahib olduğunu izah edəcəyik.

Antifriz necə işləyir?

Antifriz maşının mühərrikini həm donmadan, həm də həddindən artıq qızmadan qoruyan xüsusi texniki mayedir. Soyutma sistemi boyunca dövr edən antifriz, mühərrikin temperaturunu balansda saxlayır və avtomobilin normal işləməsini təmin edir. Mühərrikdə tempraturun normal qaydada saxlanılması da təbii ki, ümumi performans üçün çox önəmlidir. O su ilə qarışdırıldıqda mühərrikin içində istiliyi tənzimləyən dövriyyə mayesi kimi fəaliyyət göstərir. Yəni tempratur balansı üçün məsuliyyəti məhz o daşıyır. Qış aylarında suyun donmasının qarşısını alır, yay aylarında isə mühərrikdə qızmanın qarşısını almağa kömək edir. Bir növ mühərrikdə balans yaradır və optimal işləməsinə yardım edir. Bundan əlavə:

• Mühərrik blokunu və radiatoru korroziyadan qoruyur;
• Su nasosunun və digər metal hissələrin ömrünü uzadır;
• Temperatur dəyişikliklərinə qarşı davamlılıq yaradır.

Yəni antifriz nədir deyəndə, təkcə bir maye yox, mühərrikin təhlükəsizliyini təmin edən vacib bir qoruyucu sistem nəzərdə tutulur.

Antifriz növləri: rənglər nəyi göstərir?

Yaşıl antifriz

Daha çox köhnə model avtomobillər üçün daha uyğundur.

Qırmızı antifriz

Müasir avtomobillərdə geniş istifadə olunur, uzunömürlüdür.

Mavi antifriz

Bəzi Asiya istehsalı avtomobillər üçün tövsiyə edilir.

Rəng seçimində qərarsız olanlar üçün kiçik bir ipucu verək. Adətən avtomobil istehsalçısının göstərdiyi antifriz növünü istifadə etmək vacibdir. Yanlış seçim mühərrikdə çöküntü, paslanma və hətta nasazlığa səbəb ola bilər.

Antifriz nə vaxt dəyişdirilməlidir?

Antifriz zamanla öz xüsusiyyətlərini itirir, qoruyuculuğu azalır və metal hissələri paslanmaya qarşı zəiflədir. Əksər avtomobillər üçün antifrizin dəyişmə müddəti 2–3 ildən bir yaxud 40.000 – 60.000 km-dən sonra olur

Antifriz üçün dəyişim vaxtını necə təyin edək?

Əgər radiator qapağını açanda rəng bulanıqdırsa, qoxu dəyişibsə və ya maye çirkli görünürsə, antifrizi dəyişdirmək vacibdir.

Antifriz səviyyəsi necə yoxlanılır?

Antifrizi yoxlamaq üçün mühərrikin soyumasını gözləmək lazımdır. Radiator qapağını isti halda açmaq təhlükəlidir. Mühərrik soyuduqdan sonra:

• Genişlənmə qabındakı səviyyəyə baxın;
• Minimum və maksimum işarələr arasında olmalıdır;
• Çox aşağıdırsa, uyğun antifriz əlavə edin;
• Bu sadə addımlar mühərrikin ömrünü xeyli uzadır.

Avtomobil üçün geniş antifriz çeşidlərini haradan tapa bilərik?

Mühərrikiniz üçün uyğun antifriz seçmək uzunmüddətli qoruma baxımından çox vacibdir. Fərqli markaların antifriz növlərini müqayisə etmək və qiymətlərinə baxmaq istəyirsinizsə, Maşın.az üzərindən təqdim olunan məhsullara nəzər sala bilərsiniz. Burada həm rənglər, həm də texniki göstəricilər üzrə geniş seçim mövcuddur.